Fondacioni Federal Gjerman për Mjedis (DBU) ka hapur thirrjen për aplikime në programin CEE-DBU Fellowship, i cili ofron mundësi kërkimi dhe zhvillimi profesional në Gjermani për një periudhë nga 6 deri në 12 muaj. Programi është i hapur për studentë aktualë PhD, studentë Master që diplomohen gjatë këtij viti, si dhe për të diplomuar Master që nga viti 2020, nga të gjitha disiplinat akademike.
Programi ofron:
- Pagesë mujore prej 1450 Euro (e pataksuar);
- Sigurim shëndetësor;
- Kurs intensiv të gjuhës gjermane gjatë muajit të parë të qëndrimit në Gjermani;
- Mbështetje për gjetjen e institucionit pritës (universitet, institut kërkimor, kompani, OJF etj.);
- Kohëzgjatje të programit nga 6 deri në 12 muaj;
- Mundësi për Alumni Fellowship 3-mujore pas përfundimit të programit;
- Mbështetje financiare për vazhdimin e kërkimeve në Shqipëri përmes programit Small Grant.
Për aplikim nevojiten:
- Një projekt-propozim (Project Proposal) në gjuhën angleze, maksimumi 3 faqe A4;
- Një letër rekomandimi në gjuhën angleze nga një profesor ose punëdhënës;
- Diploma dhe lista notash në gjuhën angleze;
- CV në gjuhën angleze;
- Dëshmi e njohjes së gjuhës angleze. Njohja e gjuhës gjermane nuk është e detyrueshme.
Për më shumë informacion mbi programin vizitoni: https://www.dbu.de/en/promotion/moe-fellowship/
Aplikimi realizohet online në: https://cms.dbu.de/2602.html
Afati i aplikimit: 5 shtator 2026.
Për çdo pyetje mund të kontaktoni: Questo indirizzo email è protetto dagli spambots. E' necessario abilitare JavaScript per vederlo.
Aleksandër Peqini
Koordinator i programit CEE-DBU Fellowship për Shqipërinë.