MSc në Financë - Fakulteti i Ekonomisë, Universiteti i Tiranës

Titulli akademik i studimit	Diplomë Master I Shkencave në Financë
Cikli i studimit	Studime të Ciklit të Dytë
Emri dhe statusi i institucionit	Universiteti i Tiranës, Fakulteti i Ekonomisë, Institucion publik
Gjuha e përdorur në mësimdhënie/ provime	Shqip
Kohëzgjatja zyrtare e programit të studimit	2 vjet
Forma e studimit	Me kohë të plotë

Kushtet e pranimit në programin konkret të studimit

Kriteret e pranimit të studentëve në programin e studimit, Master i Shkencave në Financë (MSHF) Programet e studimit të ciklit të parë, që mundësojnë pranimin në Programin e studimit të ciklit të dytë:
1. Nga i njëjti institucion i arsimit të lartë	Do të pranohen: 1.Të gjithë studentët që kanë mbaruar studimet universitare në FEUT që kanë të paktën një diplomë bachelor në degën Financë - Kontabilitet. 2.Të gjithë studentët që kanë mbaruar studimet universitare në FEUT që kanë të paktën një diplomë bachelor në degën Administrim Biznes. 3.Të gjithë studentët që kanë një diplomë bachelor në degën Ekonomiks të Fakultetit të Ekonomisë, UT.
2. Nga institucione të tjera të arsimit të lartë	Të gjithë studentët që kanë një diplomë bachelor në Financë - Kontabilitet dhe Administrim Biznesi në fakultete të ekonomisë (publike/ jopublike -vendase/ të huaja) mund të pranohen pasi të jetë lejuar njohja e diplomave të tyre sipas rregullave përkatëse.

Kriteret e pranimit të studentëve në programin e studimit, Master i Shkencave në Financë (MSHF)

Programet e studimit të ciklit të parë, që mundësojnë pranimin në Programin e studimit të ciklit të dytë:

1. Nga i njëjti institucion i arsimit të lartë

Do të pranohen:

1.Të gjithë studentët që kanë mbaruar studimet universitare në FEUT që kanë të paktën një diplomë bachelor në degën Financë - Kontabilitet.

2.Të gjithë studentët që kanë mbaruar studimet universitare në FEUT që kanë të paktën një diplomë bachelor në degën Administrim Biznes.

3.Të gjithë studentët që kanë një diplomë bachelor në degën Ekonomiks të Fakultetit të Ekonomisë, UT.

2. Nga institucione të tjera të arsimit të lartë

Të gjithë studentët që kanë një diplomë bachelor në Financë - Kontabilitet dhe Administrim Biznesi në fakultete të ekonomisë (publike/ jopublike -vendase/ të huaja) mund të pranohen pasi të jetë lejuar njohja e diplomave të tyre sipas rregullave përkatëse.

Studentët duhet të zotërojnë të paktën në nivelin B1, ( të vërtetuar me dokumentin përkatës) një nga gjuhët e huaja të vendeve të Bashkimit Europian ( anglisht, frengjisht, gjermanisht, italisht, spanjisht).

Studentët fitues në këtë program do të përzgjidhen mbi bazën e mesatares së arritur në studime e ciklit të parë Bachelor dhe preferencave të mësipërme.

Objektivat dhe veprimtaritë formuese të programit të studimit

Programi Master i Shkencave në Financë synon të formojë specialistë me njohuri të avancuara teorike, analitike dhe praktike në fushën e financës, të aftë për të kuptuar dhe vlerësuar zhvillimet financiare dhe për të mbështetur vendimmarrjen në një mjedis ekonomik kompleks dhe dinamik. Formimi fokusohet në analizën dhe drejtimin financiar, tregjet dhe institucionet financiare, investimet dhe menaxhimin e portofolit, financën ndërkombëtare dhe ndërmjetësimin financiar, duke zhvilluar njëkohësisht aftësinë për të integruar njohuritë dhe për të zgjidhur probleme komplekse financiare në mënyrë kritike, të argumentuar dhe etike.

Në përfundim të programit, të diplomuarit do të jenë të aftë të analizojnë dhe vlerësojnë alternativa investimi dhe financimi; të interpretojnë zhvillimet në tregjet dhe institucionet financiare; të përdorin instrumentet e drejtimit financiar në vendimmarrjen e ndërmarrjeve dhe organizatave; si dhe të zbatojnë metoda sasiore dhe kërkimore për analizimin e problemeve bashkëkohore të financës. Veprimtaritë formuese mbështeten në lëndë të tilla si Tregjet dhe Institucionet Financiare, Teoria Moderne e Investimeve, Drejtimi Financiar i Avancuar, Drejtimi Financiar Ndërkombëtar, Drejtimi i Portofolit, si dhe Ekonometri në Financë dhe Metodat e Kërkimit Shkencor në Financë. Programi plotësohet me praktikën profesionale dhe punimin kërkimor të diplomës, duke krijuar një lidhje të drejtpërdrejtë ndërmjet teorisë financiare, analizës empirike dhe zbatimit të saj në praktikë.

Skema e vlerësimit

Shkalla e përvetësimit të programit mësimor vlerësohet me sistem notash nga 1 në 10, ku notat kanë kuptimin e mëposhtëm: 1-4 mbetës, 5 mjaftueshëm, 6 kënaqshëm, 7-8 mirë, 9 shumë mirë, 10 shkëlqyer.

Gjatë provimeve aplikohet një sistem pikësh, rezultatet e të cilave konvertohen në nota bazuar në skemën e mëposhtëme:

Nota	Pikët
4	deri në 50 pikë
5	51-57
6	58-65
7	66-73
8	74-81
9	82-89
10	90-100

Mundësia për studime të mëtejshme

Profili shkencor i MSHF i kushton një peshë të veçantë zhvillimit të aftësive për kërkim të avancuar dhe të pavarur në financë. Përmes metodave të kërkimit, ekonometrisë, analizës sasiore dhe punimit të mikrotezës, studentët aftësohen për të identifikuar probleme kërkimore, për të analizuar të dhëna dhe për të nxjerrë përfundime të mbështetura në argumentim teorik dhe evidencë empirike. Në këtë mënyrë, programi ndërthur përgatitjen për një karrierë profesionale të nivelit të lartë me formimin e nevojshëm për një karrierë akademike dhe kërkimore.

Përfundimi me sukses i programit u mundëson të diplomuarve vazhdimin e studimeve të ciklit të tretë, veçanërisht doktoraturës në fushën e financës, dhe jo vetëm, si dhe angazhimin në projekte dhe veprimtari kërkimore në institucione akademike e shkencore. Formimi analitik dhe ndërdisiplinor i programit krijon gjithashtu bazën për specializime të mëtejshme në fusha të ndryshme të financës dhe për përfshirjen në mjedise akademike dhe profesionale kombëtare e ndërkombëtare.

Mundësitë e punësimit dhe të kualifikimit profesional

Të diplomuarit në Master i Shkencave në Financë mund të zhvillojnë karrierë si specialistë dhe analistë financiarë, drejtues financiarë, analistë investimesh dhe profesionistë në fushën e tregjeve dhe institucioneve financiare. Formimi i gjerë në financë u mundëson atyre të punojnë në banka dhe institucione të tjera financiare, kompani private dhe publike, departamente financiare të ndërmarrjeve, institucione të administratës qendrore dhe vendore, si dhe në organizata dhe ente ku kërkohen kompetenca të avancuara në analizë dhe vendimmarrje financiare.

Një drejtim i rëndësishëm i punësimit lidhet me funksionet e financës së korporatave, analizës së investimeve, planifikimit dhe drejtimit financiar, analizës së tregjeve dhe ndërmjetësimit financiar, vlerësimit të pasurive të paluajtshme, ku të diplomuarit mund të kontribuojnë në vlerësimin e alternativave financiare, identifikimin e mundësive të investimit dhe mbështetjen e vendimeve

strategjike të organizatave. Programi krijon gjithashtu bazën për zhvillimin e karrierës si konsulent financiar apo profesionist i pavarur dhe për avancimin drejt funksioneve drejtuese në fushën e financës. Nevoja e tregut për këtë profil lidhet edhe me rritjen e rolit të departamenteve të financës në vendimmarrjen strategjike dhe identifikimin e investimeve afatgjata.

Detajet e programit të studimit

Nr.	Lënda	ECTS	Orë gjithsej	Semestri
Viti i Parë
1	Tregjet dhe Institucionet Financiare	6	60	I
2	Financat Publike	6	60	I
3	Metodat e Kërkimit Shkencor në Financë	6	60	I
4	Ekonometri në Financë	6	60	I
5	Teoria Moderne e Investimeve	6	60	I
6	Drejtimi Financiar i Avancuar	6	60	II
7	Analiza e Pasqyrave Financiare	6	60	II
8	Kontabilitet Financiar i Avancuar	6	60	II
9	Menaxhimi Strategjik i Avancuar	6	60	II
10	Drejtim Financiar Ndërkombëtar	6	60	II
Gjithsej Viti i Parë		60	600
Viti i Dytë
1	Drejtim Portofoli	6	75	I
2	Drejtim Risku	6	60	I
3	Lëndë me zgjedhje (studenti zgjedh 3 lëndë)	18	180	I
	Drejtim Bankar	6	60
	Drejtim Fiskal	6	60
	Teoria e Sigurimeve	6	60
	Drejtim i Pasurive të Paluajtshme	6	60
	DF i Organizatave Publike	6	60
	Auditim	6	60
4	Praktika	12	100	II
5	Mikroteza	18	150	II
Gjithsej Viti i Dytë		60	625
Total Viti I+II		120	1225