Titulli akademik i studimit	Diplomë e Masterit Profesional në Kontabilitet dhe Auditim
Cikli i studimit	Studime të Ciklit të Dytë
Emri dhe statusi i institucionit	Universiteti i Tiranës, Fakulteti i Ekonomisë, Institucion publik
Gjuha e përdorur në mësimdhënie/ provime	Shqip
Kohëzgjatja zyrtare e programit të studimit	2 vjet
Forma e studimit	Me kohë të plotë

Kushtet e pranimit në programin konkret të studimit

Studentët që kanë përfunduar studimet bachelor në degën Financë-Kontabilitet dhe në degën Administrim-Biznesi të Fakultetit të Ekonomisë, Universiteti i Tiranës, pranohen në programin e Masterit pa plotësim të njohurive formuese. Studentët që kanë përfunduar studimet bachelor në degën Financë-Kontabilitet dhe në degën Administrim Biznes në fakultete të ekonomisë (publike/jopublike–vendase/të huaja) mund të pranohen pasi të jetë kryer njohja e diplomave të tyre sipas rregulloreve përkatëse të Fakultetit të Ekonomisë, Univesiteti i Tiranës. Studentët që kanë përfunduar studimet bachelor në degën Ekonomiks dhe në degën Informatikë Ekonomike të Fakultetit të Ekonomisë, Universiteti i Tiranës, pranohen në programin e Masterit pas plotësimit të njohurive të tyre formuese.

---

Objektivat dhe veprimtaritë formuese të programit të studimit

Programi Masterit Profesional në Kontabilitet dhe Auditim synon t’u japë studentëve eksperiencën e nevojshme për një karrierë të suksessshme në fushën e shërbimeve të kontabilitetit, auditimit dhe administrimit fiskal. Programi Masterit Profesional në Kontabilitet jep një sistem të gjerë njohurish në fushën e kontabilitetit, auditimit dhe në fusha të tjera të lidhura me të, me objektiv kryesor formimin e specialistëve të aftë për ushtrimin e profesionit të kontabilistit. Për realizimin e këtij objektivi programi parashikon studime të mëtjeshme në fusha të tilla bazë, si ato të kontabilitetit të kosto drejtimit të avancuar, të analizës së pasqyrave financiare, të auditimit dhe shërbimeve të konsulencës, të kontabilitetit financiar të avancuar, të drejtimit financiar, si dhe në një sërë fushash specifike, si ato të organizimit të sistemeve të informacionit kontabël, të administrimit dhe legjislacionit tatimor, të kontabilitetit publik, të legjislacionit të biznesit. Krahas këtyre lëndëve, studentët marrin dhe plotësojnë njohuritë e tyre dhe në fusha të tjera ndihmëse, si në ato të financës, të qeverisjes së korporatave, të kompjuterizimit, të kontabilitetit të shoqërive bankare dhe të sigurimit, etj., të nevojshme për profesionin e tyre.

---

Skema e vlerësimit

Shkalla e përvetësimit të programit mësimor vlerësohet me sistem notash nga 1 në 10, ku notat kanë kuptimin e mëposhtëm: 1-4 mbetës, 5 mjaftueshëm, 6 kënaqshëm, 7-8 mirë, 9 shumë mirë, 10 shkëlqyer.

Gjatë provimeve aplikohet një sistem pikësh, rezultatet e të cilave konvertohen në nota bazuar në skemën e mëposhtëme:

Nota	Pikët
4	deri në 50 pikë
5	51-57
6	58-65
7	66-73
8	74-81
9	82-89
10	90-100

---

Mundësitë e punësimit dhe të kualifikimit profesional

Figura profesionale bazë që formohet nëpërmjet këtij programi është ajo e specialistit kontabël, i cili është në gjendje të punësohet si drejtues kontabiliteti të shoqërive të të gjitha niveleve, si auditues i brendshëm, si analist i pasqyrave financiare, si specialist i ndërtimit të sistemeve të kontabilitetit, këshilltar fiskal i ndërmarrjeve, etj. Pas përfundimit të programit, në sajë të njohurive të marra, studenti aftësohet për zhvillimin e një karriere të suksesshme edhe si profesionist i pavarur, në veçanti duke ndjekur rrugën e ushtrimit të profesionit të kontabilistit të miratuar, ekspertit kontabël të autorizuar, apo të këshilltarit fiskal.

---

Detajet e programit të studimit

Nr.	Lënda	ECTS	Orë gjithsej	Semestri
1	Kontabilitet Financiar i Avancuar	6	60	I
2	Kontabilitet Drejtimi i Avancuar	6	60	I
3	Drejtim Financiar i Avancuar	6	60	I
4	Kontabilitet Publik i OJF-ve	6	60	I
5	Organizimi i Sistemit të Kontrollit Kontabël	6	60	I
6	E drejtë biznesi	6	60	II
7	Analiza e Pasqyrave Financiare	6	60	II
8	Rregullimi Ligjor e Standartet Kombëtare Kontabilitetit	6	60	II
9	Auditim i Pasqyrave Financiare	6	60	II
10	Shërbimet e Sigurisë e Konsulencës	6	60	II
	Gjithsej Viti i Parë	60	600
1	Legjislacion e Administrim Tatimor e Tregtar	6	60
2	Etika Profesionale	6	60
Lëndë me Zgjedhje
3	Kontroll i Brendshëm dhe Auditim	6	60	III
	Tregje Financiare
	Manaxhim i Riskut e Performancës
	Kompjuterizim Kontabël e SA
	Kontabilitet Ligjor
	Kontabilitet i Sigurimeve dhe Bankave
	Kontabilitet Nacional
	Marketing Manaxherial
	Qeversije e Korporatave
6	Praktika	12	240	III
7	Mikroteza	18	90	III
Gjithsej Viti II		60	630
Gjithsej Viti I + II		120	1230